من رباعياتي ..أمل

لو كانت الدنيا ضلمه
حتما حتلاقي نجمه
لو كان الحزن خانق
أكيد جواك بسمه
وعجبي 
محمد محمد قياسه

من رباعياتي ...ليه

ليه الناس في زمانا
مابتقبلش النصيحة
هي بقت كلمةعيب
ولاقبيحة
وعجبي 
محمد محمد قياسه

من رباعياتي ...الزمن

لما يكون الزمن دوار
وبعد الليل بيجي نهار
يبقي ليه تظلم غيرك 
وحتقول أيه لو الزمن عليك دار
  وعجبي 
محمد محمد قياسه

من رباعياتي ...بحبك ياسيدي

بحبك ياسيدي
ودايما بقول
أنا عاشق متيم 
بحب الرسول
  محمد محمد قياسه

من رباعياتي ..أصعب من موتك

أصعب من موتك 
سكوتك 
في وقت الكلام 
وقولك 
أدينا عايشين والسلام 
وعجبي 
 محمد محمد قياسه 

من رباعياتي ...متكبر علي أيه

متكبر علي أيه 
دا انت مكونات جسمك
يادوب بخمسه جنيه
قولي بأه ليه
 وعجبي 
 محمد محمد قياسه 

من رباعياتي ..ماتخافش إلا من إل خلقك

عشان ايه تخاف من إنسان
أومن شيء وتبقي جبان
عمرك ورزقك بإيد ربك
تعالي بقي نقول علي الخوف
دا كان
وعجبي
 محمد محمد قياسه